ဂျပန်မှာ မိုဘိုင်းဖုန်း ဝယ်ယူနည်းကို သိပါသလား? ယခုခါ၊ မိုဘိုင်းဖုန်း ဝယ်ယူနိုင်သောဆိုင်များနှင့် ဂျပန်နိုင်ငံရှိ ဆက်သွယ်ရေးမိုင်ဘိုင်းကုမ္ပဏီများအကြောင်း မိတ်ဆက်ပေးပါမည်။
■ စက်ပစ္စည်းဖြစ်သည့်ဖုန်း (သီးသန့်) ဝယ်ယူသည့်အခါ
ဖုန်းစက်ပစ္စည်းသာလျှင် ဝယ်ယူလိုပါက အောက်ပါနေရာများတွင်ဝယ်ယူနိုင်ပါသည်။
– ဆက်သွယ်ရေးမိုဘိုင်းကုမ္ပဏီဆိုင်များ(Docomo, au, SoftBank စသည်)
– လျှပ်စစ်ပစ္စည်း အရောင်းဆိုင်များ(Bic Camera, Yodobashi Camera စသည်)
– အွန်လိုင်းစျေးဝယ်ရေး ဝဘ်ဆိုဒ် (Amazon, Rakuten စသည်)
စျေးနှုန်းသက်သာစွာ ဝယ်ယူလိုပါက၊ အသုံးပြုပြီးဖြစ်သော (Second-hand) ဖုန်း ရောင်းချသော ဆိုင်များကို ရှာဖွေနိုင်ပါသည်။ သို့သော်၊ ဂျပန်ရှိ အချို့သော အသုံးပြုပြီးသော ဖုန်းများသည် SIM Lock များဖြစ်နေတက်ပါသည်။ SIM Free (SIM Unlock) ဖြစ် မဖြစ်ကိုသေချာအတည်ပြု စစ်ဆေးရန် လိုအပ်ပါသည်။
■ ဖုန်းနှင့် SIM ကဒ် ကိုတစ်ဆက်တည်း ဝယ်ယူခြင်း
ဖုန်းနှင့် SIM Card ကို တစ်ဆက်တည်း ဝယ်ယူလိုပါက ဆက်သွယ်ရေးမိုဘိုင်းကုမ္ပဏီနှင့် စာချုပ်ချုပ်ဆိုရပါမည်။
– ဆက်သွယ်ရေးမိုဘိုင်းကုမ္ပဏီနှင့် စာချုပ်ချုပ်ဆိုခြင်း (Docomo, au, SoftBank စသည်)
– စျေးသက်သာသော smartဖုန်းကုမ္ပဏီများနှင့် ချုပ်ဆိုခြင်း (Y!mobile, ahamo, IIJmio စသည်)
ဂျပန်နိုင်ငံတွင် ဖုန်းနှင့် SIM Card ကို **တစ်ဆက်တည်း ဝယ်ယူလေ့ရှိကြသည်။
တစ်ဆက်တည်း ဝယ်ယူပါက၊ ဖုန်းစျေးနှုန်းလျှော့စျေးများနှင့် အထူးပရိုမိုးရှင်းများ ရရှိနိုင်ပါသည်။
ဖုန်းစျေးနှုန်းကို အရစ်ကျ ပေးချေနိုင်ပြီး၊ လစဉ် အသုံးပြုခနှင့်အတူ ပေးသွင်းနိုင်သည်။ သို့သော်၊ သင်၏ ဗီဇာ (သက်တမ်း) သည် 2 နှစ် မပြည့်လျှင်၊ အရစ်ကျ ပေးချေနိုင်မှုကို ချုပ်ဆိုရန် ခက်ခဲနိုင်ပါသည်။
အသုံးပြုခ အစီအစဉ်များသည်ကုမ္ပဏီအလိုက် ကွဲပြားပါသည်။
■ ဂျပန်နိုင်ငံရှိ အဓိကဆက်သွယ်ရေးမိုဘိုင်းကုမ္ပဏီများ
・docomo
အင်တာနက်နှင့် ဆက်သွယ်မှု အရည်အသွေးကောင်းမွန်ပြီး၊ ကျေးလက်ဒေသများနှင့် တောင်တန်းများရှိနေလျှင်တောင်အသုံးပြုရလွယ်ကူသည်။
・au
ဗီဒီယိုတင်ဆက်သည့်ဝန်ဆောင်မှု့များ၊ အနုပညာဆိုင်ရာ ဝန်ဆောင်မှု့များ ပါဝင်သည့် စျေးနှုန်းအစီအစဉ်များစွာ ရှိသည်။
・Soft Bank
မိသားစုလျှော့စျေးများရှိပြီး၊အ တူနေသူများ၊ သူငယ်ချင်းများလည်း အကျုံးဝင်ပါသည်။
■ဂျပန်နိုင်ငံရှိ အဓိက စျေးသက်သာသော မိုဘိုင်းကုမ္ပဏီများ (MVNO)
・Y!mobile
SoftBank ၏ sub-brandကုမ္ပဏီဖြစ်ပြီး၊ ဈေးနှုန်းသက်သာသော်လည်း၊ ဆက်သွယ်မှု့ အရည်အသွေးမှာ ယုံကြည်စိတ်ချရသည်။
・ahamo
Docomo ၏ စျေးသက်သာသည့်အစီစဥ်သည် 5 မိနစ်အတွင်း အခမဲ့ ဂျပန်ပြည်တွင်း ဖုန်းခေါ်နိုင်သည်။30GB အထိ နိုင်ငံခြားတွင်လည်း အခမဲ့ အသုံးပြုနိုင်သည်။
・IIJmio
စျေးသက်သာသော မိုဘိုင်းကုမ္ပဏီများထဲမှ တစ်ခုဖြစ်ပြီး၊ ပိုမိုသက်သာသောအသုံးပြု ခကြောင့် လူကြိုက်ပိုများသည်။ ဂျပန်ပြည်တွင်း ဖုန်းခေါ်မှု့စျေးနှုန်းလည်း တခြားကုမ္ပဏီများထက် ဈေးသက်သာသည်။
အရည်အသွေးကောင်းမွန်ပြီး၊ ကျယ်ပြန့်သော ဆက်သွယ်မှု့ကွန်ယက်အား လိုအပ်သူများသည် ဆက်သွယ်ရေးမိုဘိုင်းကုမ္ပဏီကြီး များကို ရွေးချယ်သင့်ပါသည်။**
သုံးစွဲမှု့နည်းပြီး၊ အင်တာနက်dataအသုံးပြုခြင်းနည်းသောသူများသည် စျေးသက်သာသော မိုဘိုင်းကုမ္ပဏီများ (MVNO) ကို ရွေးချယ်နိုင်ပါသည်။
ဂျစ်ရှုးဆေးနှင့်တိုခုတေးဂိနိုးများဖြစ်ပါက၊ခုမိအိုင်အိခေါ်ထောက်ပံ့ပေးသောအဖွဲ့စည်း၊သို့မဟုတ်အလုပ်လုပ်နေသည့်ကုမ္ပဏီမှစာချုပ်လုပ်ထုံးများကိုလုပ်ပေးသည်များရှိတက်သည်။အလုပ်အတွက်လိုအပ်ပါကကုမ္ပဏီမှ ဖုန်းပေးအပ်နိုင်ခြင်းများလည်း ရှိနိုင်ပါသည်။
ဂျပန်နိုင်ငံရှိ မိုဘိုင်းဖုန်း အသုံးပြုခ အစီအစဉ်များမှာ **ရှုပ်ထွေးသော သဘောတူညီမှုများ ပါဝင်နိုင်သည်။** ထို့ကြောင့်ဖုန်းကိစ္စစာချုပ်ချုပ်ဆိုခြင်းများပြုလုပ်ပါကယုံကြည်စိတ်ချရသောဂျပန်လူမျိုးများကိုအတူသွားပေးဖို့အကူညီတောင်းကြည့်ပါ။
ဂျပန်နိုင်ငံတွင် အလုပ်အကိုင်ရှာဖွေနေသူများသည်ဖောင်မှတဆင့်ဆက်သွယ်မေးမြန်းနိုင်သည်။
