“ ပို့ဆောင်ပေးသည့်အေဂျင်စီ ” ၏အခန်းကဏ္ဍကိုရှင်းပြခြင်း။ ဂျပန်တွင်ချောမွေ့စွာအလုပ်လုပ်ကိုင်ရန်အထောက်ကူပြုသွားပါမည်။

“ ဂျပန်မှာအလုပ်သွားလုပ်ဖို့ အတွက်ဘယ်လိုလုပ်ရမလဲ ”  ဆိုသူများအတွက်သိထားစေချင်တာကတော့ 

 “ ပို့ဆောင်ပေးသည့်အေဂျင်စီ  “ တည်ရှိနေမှု့ပဲ ဖြစ်သည်။  

ပို့ဆောင်ပေးသည့်အေဂျင်စီ သည် ဂျပန်နိုင်ငံတွင် အလုပ်လုပ်ကိုင်လိုသူများကို ခေါ်ယူပြီး အလုပ်အကိုင် ပံ့ပိုးပေးသည့် အဖွဲ့အစည်းဖြစ်သည်။ 

အကယ်၍ သင်သည် နည်းပညာဆိုင်ရာ အလုပ်သင်သင်တန်း သို့မဟုတ် အထူးကျွမ်းကျင်မှုကဲ့သို့သော ဂျပန်စနစ်များကို အသုံးပြု၍ အလုပ်ရှာနေပါက၊ ပို့ဆောင်ပေးသည့်အေဂျင်စီ မှ သင့်အား အကူအညီပေးလိမ့်မည်ဖြစ်သည်။ နှစ်နိုင်ငံသဘောတူညီချက်များရှိသည့် ဗီယက်နမ်နှင့် မြန်မာကဲ့သို့သော နိုင်ငံအချို့တွင် အစိုးရခွင့်ပြုထားသော ပေးပို့သည့်အေဂျင်စီကို မဖြစ်မနေအသုံးပြု ရသည့် နိုင်ငံများလည်း ရှိသည်။

 ပို့ဆောင်ပေးသည့်အေဂျင်စီတွင် အောက်ပါ အခန်းကဏ္ဍများပါရှိသည်။ 

①လူ့စွမ်းအားအရင်းအမြစ် ခေါ်ယူရေးနှင့် ရွေးချယ်ရေး
ဂျပန်နိုင်ငံတွင် အလုပ်လုပ်ကိုင်လိုသူများ ခေါ်ယူပြီး အလုပ်လျှောက်သူများကို  ရွေးချယ်ပါသည်။ 

②အလုပ်အကိုင် ကြားခံမိတ်ဆက်ပေးခြင်း
ဂျပန်မှာ အလုပ်အကိုင် အခွင့်အလမ်းတွေ မိတ်ဆက်ပေးမယ်။  

③ဂျပန်ဘာသာစကားပညာရေး
ဂျပန်ဘာသာစကားနှင့် ဂျပန်ယဉ်ကျေးမှုနှင့် ဓလေ့ထုံးတမ်းများကို လေ့လာရန် လေ့ကျင့်မှုများ ပြုလုပ်မည်ဖြစ်ပါသည်။ 

④လျှောက်လွှာတင်ခြင်းနှင့် စာရွက်စာတမ်းအမျိုးမျိုးတင်ပြခြင်းအတွက် ပံ့ပိုးပေးခြင်း 
ဗီဇာလျှောက်ထားရန်နှင့် လိုအပ်သော စာရွက်စာတမ်းများနှင့် လုပ်ထုံးလုပ်နည်းများကို ပြင်ဆင်ပေးပါမည်။ 

⑤ဂျပန်တွင်နေထိုင်စဉ်နောက်ဆက်တွဲပံပိုးပေးခြင်း
လုပ်ငန်းခွင်ပတ်ဝန်းကျင်နှင့် နေ့စဉ်လူနေမှုဘဝနှင့် ဆက်စပ်နေသော ပြဿနာများအား တိုင်ပင်ဆွေးနွေးရန်ရှိနေပါမည်။  

အကယ်၍ သင်သည် ပို့ဆောင်ပေးသည့်အေဂျင်စီ ကို အသုံးပြုပါက၊ သင်သည် ဂျပန်နိုင်ငံတွင် အလုပ်ရှာနိုင်ရုံသာမက ဂျပန်နိုင်ငံသို့ မဝင်ရောက်မီ ပြင်ဆင်မှုများနှင့် လုပ်ထုံးလုပ်နည်းများ ချောမွေ့မည်ဖြစ်သည်။ 

သို့သော်လည်း အချို့သော ပို့ဆောင်ပေးသည့်အေဂျင်စီ များသည် ကျေနပ်လောက်သော ပံ့ပိုးကူညီမှု မပေးနိုင်ပါက သို့မဟုတ် အခကြေးငွေ ကြီးကြီးမားမား ကောက်ခံနိုင်သောကြောင့် သတိပြုသင့်သည်။ အသိမိတ်ဆွေ သို့မဟုတ် သူငယ်ချင်းက မိတ်ဆက်ပေးသောကြောင့်မရွေးချယ်ပဲ ၊ ဂုဏ်သတင်းနှင့် လက်တွေ ရှိသော အေဂျင်စီကို ရွှေးချယ်ပါ။ 

ပို့ဆောင်ပေးသည့်အေဂျင်စီ နှင့်ပတ်သတ်၍ မှန်ကန်သော အချက်လက်များအားသိထားခြင်းဖြင့်  ဂျပန်နိုင်ငံတွင် အလုပ်သွားလုပ်ရန် အကြွေးအမြောက်အမြား တိုးလာမှု့ များကို လျှော့ချနိုင်ပါသည်။ 

နောက်တစ်ကြိမ်၊ ယုံကြည်စိတ်ချရသော ပို့ဆောင်ပေးသည့်အေဂျင်စီကို မည်သို့ရွေးချယ်ရမည်ကို ရှင်းပြပါမည်။ 

ဤဆောင်းပါးသည် ဂျပန်နိုင်ငံတွင် နေထိုင်ခြင်းအတွက် အသုံးဝင်သော ဗဟုသုတနှင့် အချက်အလက်များကို ပေးဆောင်ပြီး  ကြိုးပမ်းအားထုတ်မှု များအတွက် သင့်အား ပံ့ပိုးပေးသွားမည်။ 

ဂျပန်နိုင်ငံတွင် အလုပ်ရှာဖွေနေသူများFormမှတစ်ဆင့်ဆက်သွယ်မေးမြန်းပေးပါ။