ဂျပန်နိုင်ငံတွင် နှုတ်ဆက်ခြင်းသည်communicationဆက်ဆံရေး၏ အခြေခံဖြစ်သည်။ သို့သော်လည်း၊ နှုတ်ဆက်ခြင်းစည်းမျဉ်းများသည်နိုင်ငံအလိုက်ကွဲပြားခြင်းနှင့်အချို့နိုင်ငံများတွင်မူလတည်းကနှုတ်ဆက်ခြင်းအလေ့အထ မရှိသည့်နိုင်ငံများလည်းရှိသည်။
ယခုတစ်ကြိမ်မှာတော့၊ ဂျပန်နိုင်ငံ၏ အလုပ်ခွင်များတွင်အသုံးပြုလေ့ရှိသောနှုတ်ဆက်စကားများကို မိတ်ဆက်ပေးပါမည်။
■” おはようございます” (မနက်ခင်းအချိန်တွင် နှုတ်ဆက်စကား)
မနက်အလုပ်တက်သည့်အချိန်တွင်နှုတ်ဆက်သည့်စကားဖြစ်သည်။တက်တက်ကြွကြွနဲ့ပြုံးပြုံးရွှင်ရွှင်နှုတ်ဆက်ကြည့်ပါ။လုပ်ငန်းခွင်အမျိုးစားနှင့်အလုပ်ခွင်ပေါ်မူတည်ပြီးနေ့ခင်းမှစပြီးအလုပ်တက်ရသည့်အခါမျိုးတွင်လည်း” おはようございます” ဟု နှုတ်ဆက်ပြောဆိုကြသည်။
■” おつかれさまです” (အလုပ်လုပ်ပြီးသောအချိန်တွင် နှုတ်ဆက်စကား)
တစ်ဖက်သူအားပင်ပန်းသွားပြီဆိုပြီးပြောသည့်နှုတ်ဆက်စကားဖြစ်သည်။လုပ်ဖော်ကိုင်ဖက်အချင်းချင်းမျက်နှာချင်းဆိုင်တွေ့မိသည့်အခါ၊ညနေခင်းပိုင်းအလုပ်တက်သည့်အခါနှင့်အလုပ်ကိစ္စဖြင့်အပြင်မှရုံးသို့ပြန်ရောက်လာသောဝန်ထမ်းကိုကြိုဆိုသည့်အခါ၊အလုပ်ခွင့်မှအရင်ပြန်မည့်ဝန်ထမ်းကိုနှုတ်ဆက်သည့်အခါ၊အစရှိသည့်အလုပ်လုပ်သည့်အပေါ်တွင်အဘက်ဘက်မှကြိုးစားပေးကာအကျိုးပြုနေသည့်အဓိပ္ပာယ်ဖြစ်သောကြောင့်ဤစကားအားသေချာမှတ်သားထားပေးပါ။
■” おさきにしつれいします” (အလုပ်မှ စောစောပြန်မည့်အခါ နှုတ်ဆက်စကား)
စောစောအလုပ်ပြန်သောအခါတွင်အသုံးပြုသောနှုတ်ဆက်စကားဖြစ်သည်။အလုပ်ခွင်တွင်မိမိထက်နောက်ကျပြီးပြန်မည့်သူကိုလေးစားသမှု့နှင့်နှုတ်ဆက်သည့်အဓိပ္ပာယ်ဖြင့်ကောင်းကောင်းအသုံးပြုသည့်စကားဖြစ်သည်။ “ おさきにしつれいします” ဆိုပြီးပြောလာသည့်အခါ “ おつかれさまです” ဟု ပြန်ပြောရမည်ဖြစ်သည်။
နှုတ်ဆက်ခြင်းနှင့်အတူမရှိမဖြစ်ကတော့ဦးညွတ်ခြင်းပင်ဖြစ်သည်။ဂျပန်လူမျိုးများသည်နှုတ်ဆက်ရာတွင်လက်ဆွဲနှုတ်ဆက်ခြင်းနှင့်ပွေ့ဖက်နှုတ်ဆက်ခြင်းမဟုတ်ပဲဦးညွှတ်ခြင်းသာလုပ်လေ့ရှိသည်။
ဦးညွှတ်ခြင်းသည် ဂျပန်လူမျိုးများအတွက်နေ့စဥ်လုပ်ဆောင်မှု့တစ်ရပ်ပင်ဖြစ်သည်။နှုတ်ဆက်
ခြင်းမှအစပြုပြီးကျေးဇူးတင်စကားပြောသည့်အခါ၊တောင်းပန်သည့်အခါ၊တောင်းဆိုသည့်အခါ၊ဘုရားကျောင်းများသို့အရိုသေသွားပြုသည့်အခါများ၊အစရှိသည့်နေရာမျိုးစုံတွင်ဦးညွှတ်အရိုသေပြုခြင်းများကို ပြုလုပ်ကြသည်။
ဦးညွှတ်သောအချိန်ခေါင်းငုံသည့်ဒီဂရီမှာနေရာအနေအထားပေါ်တွင် မူတည်၍ ကွာခြားပါသည်။ အလုပ်ခွင်တွင် နေ့စဉ်နှုတ်ဆက်သည့်အခါ ၁၅ ဒီဂရီခန့်၊ လူကြီးများကို မိတ်ဆက်ရမည့်အခါများတွင် ၃၀-၄၅ဒီဂရီအထိဦးညွှတ်ကြသည်။ခေါင်းကိုပဲငုံတာမျိုးမဟုတ်ပဲကျောရိုးကိုသေချာဆန့်ပြီးခါးကိုကိုင်းညွှတ်ကြပါသည်။
အကယ်၍ဂျပန်စကားကိုကျွမ်းကျင်စွာမပြောနိုင်သူဖြစ်နေခဲ့လျှင်တောင်ပြုံးပြုံးရွှင်ရွှင်နှင့်ရိုရိုသေသေဦးညွှတ်ပြီးနှုတ်ဆက်ခြင်းသည်လုပ်ငန်းခွင်မှသူများထံတွင်ကောင်းမွန်သောပုံရိပ်ကျန်ရှိစေသည်။ပြောင်းပြန်အားဖြင့်ဂျပန်ပုံစံနှုတ်ဆက်ခြင်းကိုသေချာမလုပ်နိုင်သောသူသည် “မယဥ်ကျေးသောသူ” ဟု အထင်ခံရသည်များရှိတက်သည်။
အလုပ်ခွင်ရှိ လူများနှင့် ယုံကြည်မှု့ဆက်ဆံရေး တည်ဆောက်ရန်အတွက်၊ ဂျပန်ပုံစံနှုတ်ဆက်ခြင်းကို လက်တွေ့ကျင့်သုံးကြည့်ပါ။
ယခုဆောင်းပါးသည်ဂျပန်တွင်တွင်နေထိုင်ရန်အတွက်အကျိုးပြုနိုင်သည့်ဗဟုသုတများနှင့်သတင်းအချက်လက်များကိုတင်ဆက်ပေးနေကာကြိုးစားနေသောသင့်အားပံ့ပိုးပေးသွားပါမည်။
ဂျပန်နိုင်ငံတွင် အလုပ်ရှာဖွေနေသူများFormမှတစ်ဆင့်ဆက်သွယ်မေးမြန်းပေးပါ။
